Mbrëmjen e datës 4 qershor të vitit 2009, Maksim Hodaj shkoi në shtëpinë e tij në fshatin Armen në gjendje të dehur.
Pas një debati me bashkëshorten L. Hodaj dhe në praninë e fëmijëve të tij ai e ka dhunuar deri në vdekje. Kanë qenë banorët e zonës ata të cilët në atë kohë njoftuan policinë se L.Hodaj gjendej e vdekur me një plagë të rëndë në kokë.
Sipas dëshmisë së fëmijëve në dosjen hetimore, Maksim Hodaj e ka përplasur kokën disa herë në mur bashkëshortes.
Pas ngjarjes, autori është larguar nga shtëpia ndërsa policia mundi ta arrestonte pas 3 vjetësh kërkime. Por sërish Maksim Hodaj i shpëtoi drejtësisë, ndërsa kishte për të shlyer dhe 9 vite, 2 muaj e 26 ditë burg.
Emri i tij u fut në listën me personave më të kërkuar nga INTERPOL, por në moshën 46-vjeçare u arrestua në qytetin bregdetar.
